Shreya Maskar
जिने चढताना, थोडे चालल्यानंतरही श्वास फुलत असेल, तर अनेकांना थकवा आणि फिटनेसची कमतरता असल्याचे वाचते. मात्र, काही वेळा जिने चढताना धाप लागणे हे हृदय किंवा फुफ्फुसांशी संबंधित समस्येचे लक्षणही असू शकते.
हृदय शरीराच्या सर्व भागांना रक्त आणि ऑक्सिजन पुरवते. हृदयाची पंप करण्याची क्षमता कमी झाल्यास किंवा हृदयाच्या रक्तवाहिन्यांमध्ये अडथळा असल्यास शारीरिक श्रम करताना धाप लागू शकते. हृदयाचे ठोके अनियमित होतात.
दमा, दीर्घकालीन फुफ्फुसांचे आजार, श्वसनमार्गातील संसर्ग यांमुळेही श्वास घेण्यास त्रास होऊ शकतो. धाप लागण्यासोबत खोकला, घरघर किंवा छातीत जडपणा जाणवत असल्यास तपासणी करा.
रक्तातील हिमोग्लोबिन कमी झाल्यास शरीराला पुरेसा ऑक्सिजन मिळण्यात अडचण येऊ शकते. यामुळे जिने चढताना धाप लागणे, थकवा जाणवणे, अशक्तपणा आणि चक्कर येणे अशी लक्षणे दिसू शकतात.
शरीराचे वजन जास्त असल्यास किंवा नियमित व्यायामाची सवय नसल्यास जिने चढताना हृदय आणि श्वसनसंस्थेवर अधिक ताण येऊ शकतो.
धाप अचानक आणि तीव्र स्वरूपात लागणे, छातीत दुखणे, दडपण जाणवणे, बेशुद्ध पडणे, ओठ निळसर होणे, बोलताही येणार नाही इतकी धाप लागणे, अशी लक्षणे दिसल्यास त्वरित वैद्यकीय मदत घ्या.
नियमित चालण्याची सवय लावा. वजन जास्त असल्यास ते नियंत्रणात ठेवा. धूम्रपान टाळा. वेळच्या वेळी विश्रांती घ्या.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.