Shreya Maskar
मसालेदार-चीजी मॅगी बनवण्यासाठी मॅगी, लसूण, लाल मिरची पावडर, लिंबू, जिरे, कांदा, हिरव्या मिरच्या, टोमॅटो, मीठ, तेल आणि कोथिंबीर इत्यादी साहित्य लागते.
मसालेदार-चीजी मॅगी बनवण्यासाठी सर्वप्रथम लसणाच्या पाकळ्या सोलून घ्या, त्यात लाल मिरची घालून लिंबू पिळा.
आता एका पॅनमध्ये तेल गरम करून त्यात जिरे घालून परतून घ्या. त्यानंतर तयार लसूणाचा मसाला हलका परतून घ्या. अधूनमधून ढवळत राहा, जेणेकरून त्याचा कच्चेपणा निघून जाईल.
त्यानंतर बारीक चिरलेला कांदा आणि हिरव्या मिरच्या घालून काही मिनिटे परतून घ्या. शेवटी बारीक चिरलेले टोमॅटो घाला. सर्वकाही व्यवस्थित एकजीव करा.
कांदा आणि टोमॅटो व्यवस्थित परतल्यावर चवीनुसार मीठ घाला. नंतर, आवश्यकतेनुसार पाणी आणि मॅगीचे तुकडे घाला.
शेवटी मॅगी मसाला घालून सर्व व्यवस्थित मिक्स करून शिजू द्या. त्यानंतर यावर मस्त तुमच्या आवडीनुसार किसलेले चीजी घाला.
मॅगी शिजल्यावर बारीक चिरलेल्या कोथिंबीरने सजवा. अशाप्रकारे मसालेदार-चीजी मॅगी तयार झाली आहे. पावसाळ्यात याचा मनसोक्त आनंद घ्या.
तुम्ही यात चिली फ्लेक्स, उकडलेल्या मक्याचे दाणे, शेजवान चटणी देखील टाकू शकता. यामुळे मॅगीची चव आणखी वाढेल.