Shreya Maskar
सोंडाई किल्ला हा महाराष्ट्र राज्यातील रायगड जिल्ह्यातील कर्जतजवळ सोंडेवाडी आणि वावरले गावात आहे. येथे थरारक ट्रेकिंगचा आनंद घेता येतो.
सोंडाई किल्ल्याच्या चढाईदरम्यान काही ठिकाणी लोखंडी शिड्यांचा आधार घ्यावा लागतो. माथ्यावरून मोरबे धरणाचा परिसर आणि आजूबाजूच्या डोंगरांचे सुंदर दृश्य दिसते.
सोंडाई किल्ला हा डोंगरमाथा १७व्या शतकाच्या आसपास टेहळणीसाठी वापरला जात असावा. हा किल्ला छोटा टेहळणी बुरूज किंवा चौकी म्हणून ओळखला जातो.
सोंडाई किल्ला समुद्रसपाटीपासून अंदाजे १,२०० फूट म्हणजे सुमारे ३६६ मीटर अंतरावर आहे. खडकात कोरलेल्या पाण्याच्या टाक्या, पायऱ्या आणि देवीचे मंदिर यांचे अवशेष येथे पाहायला मिळतात.
किल्ल्याच्या माथ्यावर सोंडाई देवीचे मंदिर आहे. याच देवीच्या नावावरून किल्ल्याला सोंडाई नाव पडल्याचे मानले जाते.
किल्ल्याच्या माथ्यावरून दिसणारा जलाशय, हिरवे डोंगर आणि दूरवर पसरलेला परिसर फोटोशूटसाठी बेस्ट आहे. मित्रांसोबत वीकेंडला येथे नक्की जा.
मुंबईहून कर्जतला जाणारी ट्रेन पकडा. कर्जत स्थानकावरून सोंडेवाडी गावापर्यंत स्थानिक रिक्षा किंवा टॅक्सीने जाता येते. पुढे पायी ट्रेक सुरू होतो.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.