Saam Tv
साबणाचे छोटे तुकडे जमा करून खवणीने किसून घ्या. त्यात थोडे पाणी घालून मंद आचेवर मऊ होईपर्यंत गरम करा किंवा वितळवून घ्या. हे मिश्रण साबणाच्या साच्यात किंवा योग्य भांड्यात ओता. थंड झाल्यावर घट्ट होऊन नवीन साबण तयार होईल.
एक भांड्यात कोमट पाणी घेऊन त्यात साबणाचा कीस मिसळा. काही वेळात साबण पाण्यात विरघळेल. मिश्रण थंड झाल्यावर आवश्यकतेनुसार पाणी मिसळून योग्य घट्टपणा आणा आणि स्वच्छ हँडवॉशच्या बाटलीत भरून ठेवा.
रुमाल किंवा छोटे कपडे धुण्यासाठी साबणाचे तुकडे एका जाळीदार पिशवीत बांधून वापरा. तसेच साबणाच्या द्रावणाचा वापर कपड्यांवरील हलके डाग स्वच्छ करण्यासाठीही करता येतो.
बाथरूममधील फरशा, वॉशबेसिन आणि चिकट पृष्ठभाग स्वच्छ करण्यासाठी साबणाचे पाणी उत्तम काम करते. पाण्यात तुकडे विरघळवून घासणीच्या साहाय्याने स्वच्छता करा.
मळलेले कापडी बूट किंवा पिशव्या स्वच्छ करण्यासाठी साबणाचे थोडे पाणी मऊ कापडावर घेऊन माती व मळ सहज साफ करता येतो.
सुगंधी साबणाचे छोटे तुकडे एका स्वच्छ कापडी पिशवीत किंवा सुती कापडात बांधून कपाटात किंवा कपड्यांच्या कप्प्यांमध्ये ठेवा. यामुळे कपाटात मंद सुगंध टिकून राहतो.
कपाटाचे दरवाजे किंवा ड्रॉवर उघडझाप करताना करकर आवाज येत असल्यास बिजागरी किंवा चॅनेलवर साबणाचा तुकडा चोळा. साबण नैसर्गिक वंगण म्हणून काम करतो आणि आवाज बंद होतो.
NEXT : सावधान! मोमोजसोबत मिळणारी लाल चटणी ठरू शकते आरोग्यासाठी घातक