Manasvi Choudhary
पावसाळ्यात शेतात, बागेत, रस्त्याच्या कडेला साप दिसतात यामुळे साप चावण्याची भिती असते. पावसाळ्यात साप चावल्यानंतर त्वरीत काय काळजी घ्यावी हे या वेबस्टोरीतून जाणून घ्या.
साप चावल्यानंतर भीतीमुळे किंवा धावपळ केल्यामुळे हृदयाचे ठोके वाढतात, ज्यामुळे विष शरीरात वेगाने पसरते. रुग्णाला एका जागी शांत बसवून किंवा झोपवून ठेवा.
हात किंवा पायाला साप चावला असल्यास त्या भागाची हालचाल पूर्णपणे थांबवा. शक्य असल्यास लाकडाची फळी किंवा कपड्याच्या सहाय्याने तो भाग बांधून स्थिर ठेवा.
जर पायाला चावला असेल तर पाय खाली सोडा, जेणेकरून विष हृदयापर्यंत लवकर पोहोचणार नाही.
साप चावल्यामुळे त्या भागावर सूज येऊ शकते. म्हणून हातातील अंगठी, घड्याळ, कडे किंवा घट्ट कपडे काढून टाका.
येथे दिलेली माहिती ही सामान्य ज्ञानावर आधारित आहे. अधिक माहितीसाठी योग्य सल्ला घ्या.