Sakshi Sunil Jadhav
वाढत्या गर्मीमुळे साप बिळातून बाहेर निघतात. मग ते घराच्या बाहेर, अंगणात दाराजवळ येतात.
बऱ्याचदा झाडांमध्ये किंवा अडगळीच्या जागी साप येतात. साप अत्यंत विषारी असतात. त्यामुळे जागीच तुमचा मृत्यूही होऊ शकतो.
पुढील माहितीत आपण कोणकोणत्या गोष्टींमुळे साप तुमच्या परिसरात येतात? हे जाणून घेणार आहोत.
जर तुमच्या घराच्या शेजारी जास्त गवत वाढत असेल तर ते कापून घ्या. कारण याने तुमच्या घरात साप येण्याचा धोका वाढतो.
जर तुमच्या अंगणात किंवा बागेत सुकलेली पानं, लाकडाचे ढिग असतील तर त्यात साप लपून बसू शकतात.
ज्या ठिकाणी उंदीर, खारु ताई किंवा लहान कीटक असतात. त्या ठिकाणी साप जास्त दिसण्याची शक्यता असते.
तुम्ही जर दारात पाळीव प्राणी ठेवत असाल आणि त्यांना दारातच खायला देत असाल तर थांबा.
पाळीव प्राण्यांना दारात जेवण दिलं तर ते लगेच संपूर्ण खात नाहीत. मग तिथे उंदीर येतात. त्यांना खायला साप तिथे येतात.
बऱ्याचदा दारात ठेवलेल्या कुंड्यांना जास्त पाणी दिलं, तर तिथे कीटक वाढतात. त्यांना खायला साप आकर्षित होऊन येतात. त्यामुळे या गोष्टीं दारात ठेवू नका.