Shreya Maskar
अनेकांना झोपताना अंगावर पांघरूण घेऊन झोपण्याची सवय असते मात्र हे आरोग्यास घातक ठरू शकते. त्यामुळे ही सवय वेळीच बदला.
झोपताना अंगावर पांघरूण घेणे सुरक्षित असते आणि त्यामुळे शरीरात ऊब टिकून राहण्यास मदत होते, परंतु डोके आणि चेहरा पूर्णपणे झाकल्याने हवा खेळती राहत नाही.
डोक्यापासून पांघरूण घेऊन झोपल्याने श्वासावाटे बाहेर पडणारा कार्बन डायऑक्साइड (CO₂) अडकून राहतो, ऑक्सिजनची पातळी कमी होते. परिणामी श्वसनाच्या गंभीर समस्या उद्भवतात.
या सवयीमुळे धूळ किडे आणि जीवाणूंच्या वाढीस प्रोत्साहन मिळते. तुमच्या श्वासावर ताण येतो आणि त्वचेची जळजळ किंवा मुरुमे येऊ शकतात.
तुम्ही कमी ताजी हवा (ऑक्सिजन) आत घेता. ब्लँकेटखालची हवा शिळी आणि गरम असते. यामुळे हवा घेण्यासाठी तुमच्या फुफ्फुसांना जास्त मेहनत करावी लागते.
शरीराला पूर्ण पांघरूणात कव्हर केल्यामुळे शरीराचे तापमान वाढते. तुमचे शरीर व्यवस्थित थंड होऊ शकत नाही. अडकलेल्या उष्णतेमुळे रात्री घाम येतो आणि चादर ओलसर होते.
तुम्हाला खूप गरम किंवा अस्वस्थ वाटत असल्यामुळे तुम्ही रात्री जास्त वेळा जागे होता, त्यामुळे सकाळी देखील डोकेदुखी सुरू होते.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.