Surabhi Jayashree Jagdish
तज्ज्ञांच्या मते, डाव्या कुशीवर झोपल्याने अन्नाचे पचन अधिक नैसर्गिक पद्धतीने होण्यास मदत मिळू शकते. या स्थितीत पोट आणि आतड्यांची रचना गुरुत्वाकर्षणाच्या दिशेने कार्य करण्यास अनुकूल ठरते. त्यामुळे अनेक तज्ज्ञ डाव्या कुशीवर झोपण्याचा सल्ला देतात.
डाव्या कुशीवर झोपल्याने पोटातील आम्ल अन्ननलिकेत परत जाण्याची शक्यता कमी होऊ शकते. त्यामुळे छातीत जळजळ, आंबट ढेकर किंवा अॅसिडिटीचा त्रास काही लोकांमध्ये कमी जाणवू शकतो.
डाव्या कुशीवर झोपल्याने काही लोकांमध्ये गॅस आणि अॅसिडिटीचा त्रास कमी होण्यास मदत होऊ शकते. मात्र, हा परिणाम प्रत्येक व्यक्तीमध्ये सारखाच असेल असं नाही. .
जेवण केल्यानंतर लगेच अंथरुणावर पडणं टाळावं. असं केल्यास पचनक्रिया मंदावू शकते आणि अॅसिड रिफ्लक्सचा धोका वाढू शकतो. त्यामुळे जेवण आणि झोप यामध्ये पुरेसं अंतर ठेवणं महत्त्वाचं आहे.
तज्ज्ञांच्या मते, रात्रीचे जेवण झाल्यानंतर किमान २ ते ३ तासांनी झोपणं अधिक चांगलं मानलं जातं. या काळात अन्नाचं प्राथमिक पचन सुरू होते आणि शरीराला ते पचवण्यासाठी वेळ मिळतो. त्यामुळे पचनाशी संबंधित त्रास होण्याची शक्यता कमी होऊ शकते.
उजव्या कुशीवर झोपल्याने काही व्यक्तींमध्ये अॅसिड रिफ्लक्स किंवा छातीत जळजळ वाढू शकते. मात्र हा परिणाम सर्वांमध्ये समान दिसून येत नाही. त्यामुळे वारंवार अॅसिडिटीचा त्रास होत असल्यास झोपण्याची बाजू बदलून पाहणे आणि डॉक्टरांचा सल्ला घेणे योग्य ठरते.
आरामदायी झोपेसाठी योग्य उशी आणि योग्य झोपण्याची स्थितीही तितकीच आवश्यक आहे. संतुलित आहार, वेळेवर जेवण आणि पुरेशी झोप या तिन्ही गोष्टी एकत्रितपणे पचन सुधारण्यास मदत करतात.
ही माहिती विविध सार्वजनिक स्रोतांवर आधारित असून केवळ सामान्य माहितीसाठी देण्यात आली आहे. या माहितीची स्वतंत्र वैद्यकीय पडताळणी आम्ही केलेली नाही. कोणतीही लक्षणे आढळल्यास स्वतः निष्कर्ष काढण्याऐवजी तज्ज्ञ डॉक्टरांचा सल्ला घ्या.