Shruti Vilas Kadam
1 चमचा तांदळाची पावडर घ्या. त्यात 1 चमचा बेसन मिसळा. 1 चमचा बीटचा रस आणि 1 चमचा नारळ तेल घाला. सर्व मिश्रण एकजीव करून चेहरा किंवा त्वचेवर हलक्या हाताने 2-3 मिनिटे मसाज करा. 10 मिनिटे तसेच ठेवून कोमट पाण्याने धुवा. आठवड्यातून 1 ते 2 वेळा वापरल्यास चांगले परिणाम मिळू शकतात.
तांदळाची भरड पावडर नैसर्गिक एक्सफोलिएटर म्हणून काम करते. ती त्वचेवरील मृत पेशी काढून त्वचा स्वच्छ आणि तजेलदार बनवण्यास मदत करते.
बीटमध्ये असलेले अँटिऑक्सिडंट्स आणि पोषक घटक त्वचेचा निस्तेजपणा कमी करून नैसर्गिक ग्लो वाढवण्यास मदत करतात.
नारळ तेल त्वचेला खोलवर मॉइश्चरायझ करते. त्यामुळे त्वचेतील कोरडेपणा कमी होऊन ती अधिक मऊ आणि नितळ दिसते.
बेसन त्वचेवरील अतिरिक्त तेल, धूळ आणि घाण साफ करण्यास मदत करते. त्यामुळे त्वचा अधिक स्वच्छ आणि ताजीतवानी वाटते.
या स्क्रबचा नियमित वापर केल्यास सूर्यप्रकाशामुळे झालेली टॅनिंग कमी होण्यास मदत मिळू शकते आणि त्वचेचा रंग अधिक समसमान दिसू शकतो.
स्क्रबिंगमुळे रक्ताभिसरण सुधारण्यास मदत होते. यामुळे त्वचेची पोत सुधारते आणि चेहरा अधिक निरोगी दिसू शकतो.