Shruti Vilas Kadam
यासाठी ३-४ चमचे जाड तांदूळ, ४-५ लवंगा आणि काही थेंब शुद्ध, सुगंधरहित ग्लिसरीन लागेल.
सर्वप्रथम तांदूळ दोन वेळा पाण्याने व्यवस्थित धुवून घ्या. त्यानंतर ते साधारण एक तास पाण्यात भिजत ठेवा.
तांदूळ भिजवल्यानंतर पाणी गाळून स्वच्छ बाटलीत भरावे. यामध्ये ४-५ लवंगा टाकून बाटली हलवावी.
लवंगा घातलेली बाटली दोन ते तीन तास फ्रीजरमध्ये ठेवावी. त्यानंतर त्यात ग्लिसरीनचे काही थेंब मिसळावेत.
त्वचा तेलकट असल्यास ग्लिसरीन कमी प्रमाणात वापरावे, तर कोरड्या त्वचेसाठी त्याचे प्रमाण थोडे वाढवता येते.
चेहरा सौम्य क्लींजरने स्वच्छ केल्यानंतर हा टोनर स्प्रे बाटली किंवा कॉटन पॅडच्या मदतीने लावता येतो. त्यानंतर मॉइश्चरायझर, सीरम आणि सनस्क्रीन लावा.
राइस टोनरमुळे त्वचा मऊ आणि हायड्रेटेड वाटण्यास मदत होऊ शकते. तांदळातील घटकांमुळे त्वचा अधिक ब्राइट आणि ग्लोइंग दिसू शकते. संवेदनशील किंवा मुरुमांची प्रवृत्ती असलेल्या त्वचेवर वापरण्यापूर्वी पॅच टेस्ट करणे आवश्यक आहे.