Shruti Vilas Kadam
हा टोनर बनवण्यासाठी २ चमचे तांदूळ, ३ ते ४ लवंगा आणि एक कप स्वच्छ पाणी घ्या. शक्यतो स्वच्छ भांडे आणि चांगल्या प्रतीचे साहित्य वापरा.
तांदूळ स्वच्छ धुऊन घ्या. त्यानंतर एका भांड्यात तांदूळ, लवंगा आणि पाणी एकत्र करून रात्रभर झाकून ठेवा.
सकाळी हे पाणी स्वच्छ गाळणीच्या मदतीने गाळून घ्या. त्यानंतर स्वच्छ बॉटलमध्ये भरा. टोनर तयार करताना स्वच्छतेची काळजी घेणे महत्त्वाचे आहे.
चेहरा स्वच्छ धुऊन कोरडा करा. त्यानंतर टोनरचा थोडासा भाग त्वचेच्या छोट्या भागावर लावून पाहा. जळजळ किंवा लालसरपणा जाणवत नसल्यासच वापरण्याचा विचार करा.
तांदळाच्या पाण्यामुळे त्वचेचा ओलावा टिकवण्यासाठी मदत करते यामुळे त्वचा अधिक मऊ होते.
त्वचेवरील धूळ, घाम दूर करण्यासाठी हा टोनर महत्त्वाचा आहे. मात्र, घरगुती टोनर हा फेसवॉशचा पर्याय नाही. त्यामुळे दिवसातून २ वेळी फेसवॉश करावा.
तांदळाच्या पाण्याचा वापर केल्याने त्वचेला फ्रेश वाटते. चेहरा स्वच्छ केल्यानंतर त्वचेची नियमित काळजी घेण्यासाठी याचा वापर करावा
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.