Shreya Maskar
सावंतवाडी हे महाराष्ट्रातील सिंधुदुर्ग जिल्ह्यात वसलेले आहे. या ठिकाणाला ऐतिहासिक, सांस्कृतिक महत्त्व आहे. सावंतवाडी हे कोकणची शान आहे.
सावंतवाडी पारंपरिक हाताने रंगवलेल्या लाकडी खेळण्यांसाठी आणि हस्तकलांसाठी जगप्रसिद्ध आहे. अनेकदा 'कलाकारांची भूमी' म्हणून हे ठिकाण ओळखले जाते.
सावंतवाडी येथे मोती तलाव, सावंतवाडी राजवाडा, नरेंद्र उद्यान, शिव उद्यान आणि आंबोली घाटातील धबधबे ही प्रमुख पर्यटन स्थळे आहेत. तुम्ही येथे निसर्गाच्या सानिध्यात सुंदर फोटोशूट करू शकता.
मोती तलाव सावंतवाडी शहराच्या मध्यभागी राजवाड्याच्या समोर वसलेले आहे. डोंगरांनी वेढलेला या कृत्रिम तलावात तुम्ही बोटिंगचा आनंद घेऊ शकता.
सावंतवाडी राजवाडा हा 'रॉयल पॅलेस' म्हणून ओळखला जातो.येथे पारंपारिक लाकडी हस्तकला, जगप्रसिद्ध 'गंजिफा' कला आणि आकर्षक लाखकामाच्या वस्तूंचे प्रदर्शन पाहायला मिळते.
सावंतवाडी येथील नरेंद्र डोंगर उद्यान हे माठेवाडा भागात, टेकडीवर वसलेले आहे. येथे घनदाट झाडी, फिरण्यासाठी रस्ते आणि शहराचे विहंगम दृश्य दिसते. पावसाळ्यात येथे धबधबे दिसतात.
सावंतवाडीपासून सुमारे ३०-३५ किमी अंतरावर असलेला आंबोली घाटनिसर्गप्रेमींसाठी पर्यटन स्थळ आहे. इथे अनेक छोटे-मोठे धबधबे आहेत, ज्यामध्ये मुख्य आंबोली धबधबा, नांगरतास धबधबा यांचा समावेश आहे.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.