Shreya Maskar
देवगड किल्ला हा महाराष्ट्राच्या सिंधुदुर्ग जिल्ह्यातील १७ व्या शतकातील एक ऐतिहासिक सागरी किल्ला आहे. तुम्ही येथे सुट्ट्यांमध्ये ट्रिप प्लान करा.
देवगड किल्ला १७२९ मध्ये मराठा सरदार दत्ताजीराव आंग्रे यांनी बांधला. तथापि, काहींच्या मते या किल्ल्याची गोमुखी प्रवेशद्वार रचना छत्रपती शिवाजी महाराजांच्या काळाशी मिळतेजुळती असल्याने हा किल्ला शिवकालीन असावा.
देवगड खाडी आणि अरबी समुद्र यांच्या संगमावर एका उंच टेकडीवर वसलेला आहे. येथून सूर्यास्ताचा सुंदर नजारा पाहायला मिळतो. संध्याकाळचे येथील सौंदर्य खूप भारी आहे. पाण्यावर मावळणाऱ्या सूर्याचे गूढ आणि चित्तथरारक दृश्य पाहण्यासाठी येथे नक्की जा.
देवगड किल्ल्याच्या प्रमुख आकर्षणामध्ये १९१५ मध्ये बांधलेले दीपगृह, ऐतिहासिक मंदिरे, भव्य तोफा यांचा समावेश आहे. येथील ऐतिहासिक बुरज , जुन्या तोफा पाहायला नक्की जा.
देवगड किल्ल्याला तीन बाजूंनी समुद्रकिनारा आहे. चौथ्या बाजूला, मुख्य भूभागाकडे कठीण कातळात खोल खंदक खोदण्यात आला आहे. खंदकाच्या एका बाजूवरच दगडी तटबंदी उभारल्यामुळे तटबंदीची एकूण उंची प्रभावीपणे वाढवली गेली आहे.
देवगड किल्ल्यावर श्री हनुमान मंदिर (मारुती मंदिर) आहे. येथे तुम्हाला शांत आणि प्रसन्न वातावरण अनुभवता येईल.
सिंधुदुर्ग येथे अनेक पिकनिक स्पॉट आहेत. उदा. सिंधुदुर्ग किल्ला, तारकर्ली समुद्रकिनारा, देवगड समुद्रकिनारा, आंबोली धबधबा
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.