Shreya Maskar
धोती स्टाइल साडी नेसण्यासाठी, तुम्ही आधी लेगिंग्ज किंवा घट्ट पायजमा घाला. लक्षात ठेवा की, या प्रकारच्या साडीखाली पेटीकोट घातला जात नाही.
साडी गोळा करून कमरेच्या दिशेने नेसावी. समोर एक गाठ मारावी. तुमच्या डाव्या बाजूलाही साडीचा काही भाग असावा.
डाव्या बाजूच्या साडीच्या पदराला चुण्या घालून तो पुढून मागे पायांखालून आणावा आणि कमरेच्या मागच्या बाजूला खोचून पदर तयार कराव
आता उजव्या बाजूचे पदर घ्या आणि त्याचप्रकारे ते पायांच्या मधून मागे आणावे. साडी समोरच्या बाजूला खेचून दोन किंवा तीन लहान चुण्या तयार करा आणि त्याच डाव्या बाजूच्या कमरेभोवती नेसावा. पदराच्या चुण्या घालून तो विरुद्ध हातावर घ्या.
प्रथम साडीची वरची किनार किंवा काठ पकडून कमरेपासून मागे खेचावा. पदराखाली पिन लावून तो सुरक्षित करावा.
साडी उजव्या बाजूला पायांच्या मधून मागे घ्या आणि मग पदर डाव्या बाजूला घ्या. साडीला सुंदर धोती स्टाइल लूक येईल.
धोती-शैलीच्या साडीवर असा ब्लाउज आवश्यक असतो, जो साडीचा आकार आणि घेर यांचा समतोल साधेल. कॉर्सेट-शैली, पेप्लम, केप-स्लीव्ह किंवा डीप-व्ही क्रॉप टॉप्ससारखे आधुनिक, फ्यूजन-शैलीचे पर्याय या धोतीसोबत खूप सुंदर दिसतात.
सुंदर कंबरपट्टा, एखादा सुबक आधुनिक बेल्ट आणि नक्षीकाम केलेले जॅकेट वापरून या लूकची शोभा वाढवू शकता. ठसठशीत झुमके आणि 'जुत्ती' घालून हा पेहराव पूर्ण करा. मराठमोळा टच देण्यासाठी नाकात नथ आणि चंद्रकोर टिकली लावा.