Shruti Vilas Kadam
नेहमीपेक्षा जास्त थकवा जाणवणे किंवा कोणतेही विशेष काम न करता अचानक अशक्त वाटणे हे काही महिलांमध्ये हृदयविकाराच्या झटक्याचे संकेत असू शकतात.
छातीत तीव्र वेदना नसतानाही अचानक धाप लागणे किंवा श्वास घेण्यास त्रास होणे हे महत्त्वाचे लक्षण ठरू शकते.
काही महिलांना हार्ट अटॅकदरम्यान मळमळ, उलटी किंवा पोट बिघडल्यासारखे वाटू शकते. त्यामुळे अशा लक्षणांकडे केवळ पचनाच्या समस्येप्रमाणे पाहू नये.
छातीत वेदना नसतानाही पाठ, खांदा, मान किंवा जबड्यात अचानक दुखणे किंवा दाब जाणवणे हे हृदयविकाराशी संबंधित असू शकते.
अचानक चक्कर येणे, डोळ्यांसमोर अंधारी येणे किंवा खूप अशक्त वाटणे अशी लक्षणेही काही महिलांमध्ये दिसू शकतात.
विशेष कारण नसताना अचानक थंड घाम फुटणे, बेचैनी किंवा अस्वस्थ वाटणे हे संभाव्य चेतावणीचे लक्षण असू शकते.
‘सायलेंट’ हार्ट अटॅकमध्ये नेहमी तीव्र छातीत दुखणे असेलच असे नाही. छातीत दाब, जडपणा किंवा किरकोळ अस्वस्थता देखील जाणवू शकते.
‘सायलेंट हार्ट अटॅक’मध्ये लक्षणे सौम्य किंवा अस्पष्ट असू शकतात आणि काही वेळा लक्षणे जाणवतही नाहीत. अचानक श्वास घेण्यास त्रास, छातीत दाब/वेदना, बेशुद्धी किंवा तीव्र अस्वस्थता जाणवल्यास तातडीने वैद्यकीय मदत घ्या.