Shruti Vilas Kadam
दिवसातून दोनदा ब्रश करूनही काही लोकांच्या दातांवर पिवळसर थर दिसतो. अशावेळी दातांची योग्य स्वच्छता आणि नियमित काळजी घेणे महत्त्वाचे आहे.
या उपायासाठी साधारण अर्धा लिटर पिण्याचे पाणी, दोन छोटे तुरटीचे खडे आणि १२ ते १५ लवंगा लागतात.
एका स्वच्छ काचेच्या बाटलीत पाणी घेऊन त्यात तुरटीचे खडे आणि लवंगा टाका. बाटली बंद करून हे मिश्रण साधारण एक दिवस ठेवावे.
साधारण २४ तासांनंतर तुरटी विरघळते आणि लवंगाचा अर्क पाण्यात उतरतो. त्यानंतर हे पाणी गुळण्या करण्यासाठी वापरले जाते.
रात्री झोपण्यापूर्वी ब्रश केल्यानंतर हे तयार केलेले पाणी तोंडात घ्या. सुमारे ३० सेकंद ते तोंडात फिरवून नंतर थुंकून टाका.
संबंधित लेखानुसार, हा उपाय काही दिवस नियमित केल्याने दातांवरील पिवळसरपणा कमी होऊन चमक येण्यास मदत होऊ शकते, असा दावा करण्यात आला आहे.
दातांवर घट्ट थर, वेदना, हिरड्यांतून रक्त येणे किंवा सतत पिवळेपणा असल्यास केवळ घरगुती उपायांवर अवलंबून न राहता दंतवैद्यांचा सल्ला घेणे योग्य आहे.