Shreya Maskar
आरोग्य तज्ज्ञांच्या मते, दररोज संपूर्ण शरीरावर साबण वापरण्याची गरज नाही.आठवड्यातून २ ते ३ वेळा साबण लावून आंघोळ करणे फायदेशीर ठरते.
दुर्गंधी आणि बॅक्टेरिया नियंत्रित करण्यासाठी चेहरा, काखेचा भाग, जांघेचा भाग आणि पाय दररोज साबणाने धुवावेत. जेव्हा शरीर स्पष्टपणे घाणेरडे, चिखलाने माखलेले किंवा खूप जास्त घाम आलेले असेल, तेव्हाच संपूर्ण शरीरावर साबण वापरावा.
खूप गरम पाणी वापरणे टाळावे कारण त्यामुळे त्वचेतील नैसर्गिक तेले निघून जातात. त्याऐवजी कोमट पाण्याचा वापर करावा. गरम पाण्यामुळे डोळ्यांचे आरोग्यही धोक्यात येते.
शक्यतो ५ ते १० मिनिटांपेक्षा कमी वेळात आंघोळ आटोपावी.जास्त वेळ पाण्यात राहिल्याने तुमच्या त्वचेतील ओलावा कमी होऊ शकतो.
तुमच्या त्वचेच्या प्रकाराला अनुसरून साबणाचा प्रकार निवडावा. सौम्य , सुगंधरहित किंवा संवेदनशील त्वचेसाठी खास बनवलेले क्लिंझर्स निवडावेत.
आंघोळीनंतर अंग कोरडे केल्यावर, त्वचा अजूनही थोडी ओलसर असतानाच सौम्य आणि सुगंधरहित लोशन लावावे, यामुळे त्वचेतील ओलावा टिकून राहण्यास मदत होते.
वारंवार साबण वापरल्याने त्वचेतील नैसर्गिक ओलावा आणि तेल कमी होते. त्वचा कोरडी, ताणलेली किंवा खाजणारी वाटू शकते. खूप गरम पाण्याने अंघोळ केल्याने ही समस्या आणखी वाढते.
आंघोळीनंतर, त्वचा जोरात घासण्याऐवजी टॉवेलने हलक्या हाताने पुसून कोरडी करा. अंग पुसण्यासाठी सुती-मऊ कापडाचा वापर करा.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे कोणतेही उपचार, डाएट आणि औषधं तज्ज्ञांच्या, डॉक्टरांच्या सल्ल्यानं घ्यावीत.