Saam Tv
19 फेब्रुवारीला सर्वत्र शिवजयंती मोठ्या थाटात साजरी केली जाते.
या दिवशी पंरपरेनुसार महाराजांच्या काळातील काही खास आणि स्वादिष्ठ पदार्थ बनवले जातात.
त्यातीलच एक पदार्थ म्हणजे सांजोळ्यांची पोळी. ही चवीला गोड आणि मऊसुत असते. चला जाणून घेऊ साहित्य आणि कृती.
गव्हाचे पीठ, मीठ, तूप, रवा, गूळ, पाणी, वेलची, जायफळ इ.
सर्वप्रथम गव्हाचे कणीक मळून ते १५ ते २० मिनिटे तसेच ठेवा. त्यात तुपाचा वापर करा.
आता कढई गॅस वर ठेवा आणि त्यात पाणी घ्या आणि त्यात गुळ छोटे तुकडे करून मिक्स करा.
त्यात वरुन चमचाभर तूप आणि जायफळ-वेलची पावडर घाला.
दुसऱ्या बाजूला रवा छान कढईत छान भाजून घ्या. मग त्यात गुळाचे पाणी मिक्स करून मिश्रण एकदम मऊ लुसलुशीत शीऱ्या सारखे होईपर्यंत शिजवा.
मग ते मिश्रण थोडं थंड करून त्याचे गोळे बनवून घ्या.
मळलेल्या कणकाचे गोळे करून त्यात रव्याच्या सारणाचे गोळे भरा. पोळ्यांसारखी चपाती लाटून तव्यावर भाजून घ्या.
यावर वरून तूप लावा. तयार होईल तुमची शिवकालीन प्रसिद्ध मराठमोळी आणि पारंपारिक सांजोळी पोळी.