Shreya Maskar
शिराळ्याची चटणी बनवण्यासाठी कोवळी शिराळी, ओले खोबरे, चिंचेचा कोळ, हळद, मोहरी, हिंग, उडीद डाळ, सुक्या मिरच्या इत्यादी साहित्य लागते.
फोडणी बनवण्यासाठी तीळाचे तेल, मोहरी, उडीद डाळ, हिंग, सुक्या लाल मिरच्या, कढीपत्ता इत्यादी साहित्य लागते.
शिराळ्याची चटणी बनवण्यासाठी शिराळी वरवर तासून तुकडे करा. त्यानंतर शिराळी कुकरला लावून १-२ शिट्टी करून घ्या.
पॅनमध्ये तेल गरम करून त्यात मोहरी, सुक्या लाल मिरच्या, भाजलेले उडीद डाळ छान गोल्डन फ्राय परतून घ्या.
यात शिराळ्याचे तुकडे, ओले खोबरे, हिंग, चिंचेचा कोळ आणि मीठ घालून व्यवस्थित बारीक करा.
आता हे मिश्रण मिक्सरच्या भांड्यात वाटून घ्या. त्याची जाडसर पेस्ट बनवा. यात पाणी टाकू नका.
शेवटी छोट्या कढईत तेल टाकून फोडणीचे सर्व मसाले टाकून चांगली फोडणी तडतडू द्या. त्यानंतर ती शिराळ्याच्या चटणीमध्ये टाका.
आंबट, तिखट अशी शिराळ्याची चटणी गरम भात आणि तूपासोबत खा. एक घास खाताच तुमचे मन तृप्त होईल.