Shreya Maskar
बाजरीचे धपाटे महाराष्ट्रामध्ये, विशेषतः ग्रामीण भागात आणि मराठवाड्यात, विदर्भात बनवले जातात. यामुळे शरीराला अधिक पोषण मिळते.
बाजरीचे धपाटे बनवण्यासाठी बाजरीचे पीठ, गव्हाचे पीठ, मेथी, कोबी, कोथिंबीर, मिरची-आलं पेस्ट, धने पावडर, काळीमिरी पावडर, मीठ, हळद, तीळ, ओवा, तूप, दही, गूळ आणि तेल इत्यादी साहित्य लागते.
बाजरीचे धपाटे बनवण्यासाठी सर्वप्रथम मोठ्या बाऊलमध्ये बाजरीचे पीठ, गव्हाचे पीठ, मेथी, कोथिंबीर, तीळ, ओवा, जिरे, हळद, तिखट, मीठ, हिरवी मिरची-आलं पेस्ट, दही आणि गूळ घालून चांगले मिक्स करा.
यात गरजेनुसार पाणी टाकून मऊसर कणिक मळून घ्या. कणिक जास्त पातळ किंवा घट्ट होणार नाही, याची काळजी घ्या.
आता पिठाचे छोटे गोळे करून पोळपाटाला तेल लावून धपाटे थापून घ्या. हाताला कणिक चिकटू नये म्हणून बाजरीचे सुके पीठ लावा.
पॅनमध्ये तूप टाकून बाजरीचे धपाटे दोन्ही बाजूंनी खरपूस भाजून घ्या. धपाटे भाजताना गॅस मंद आचेवर ठेवा. जेणेकरून धपाटे जळणार नाही.
तुम्ही थंड दही किंवा पुदिन्याच्या चटणीसोबत बाजरीच्या धपाट्यांचा आस्वाद घ्या. थंडीत सकाळी नाश्त्यासाठी हा पौष्टिक पदार्थ आहे.
तुम्ही पदार्थाची पौष्टिकता वाढवण्यासाठी यात बारीक कोबी, पालकची पेस्ट देखील टाकू शकता.