Shreya Maskar
शेंगदाण्याचे पिठलं बनवण्यासाठी शेंगदाणे, तेल, मोहरी, जिरे, हिंग, हळद, लाल तिखट, हिरव्या मिरचीचा ठेचा, कांदा-लसूण पेस्ट, ओलं खोबरं, कोथिंबीर, मीठ आणि पाणी इत्यादी साहित्य लागते.
शेंगदाण्याचे पिठलं बनवण्यासाठी सर्वप्रथम कच्चे शेंगदाणे भाजून त्यांची सालं काढून घ्या. शेंगदाणे भाजताना काळे करू नका.
भाजलेले शेंगदाणे वाटून जाडसर पूड करा. त्यानंतर यात कोमट पाणी टाकून चांगली पेस्ट बनवा.
पॅनमध्ये तेल गरम करून त्यात मोहरी आणि जिरे टाकून एक फोडणी तयार करा. तुम्ही यात खडे मसाले देखील टाकू शकता.
जिरे तडतडल्यावर त्यात हिंग, हळद, तिखट , हिरव्या मिरचीचा ठेचा घालून चांगले परतून घ्या.
त्यानंतर यात कांदा-लसूण पेस्ट गोल्डन फ्राय करा. तयार फोडणीत शेंगदाण्याचे मिश्रण, चवीनुसार मीठ घालून एकजीव करा.
यात पाणी टाकून एक उकळी काढून घ्या. पिठलं जास्त घट्ट आणि पातळ करू नका. नाहीतर त्याची चव बिघडते.
शेंगदाण्याचे पिठलं शिजल्यावर त्यात ओलं खोबरं, बारीक चिरलेली कोथिंबीर घालून आस्वाद घ्या. तुम्ही गरमा गरमा भाकरी किंवा चपातीसोबत शेंगदाण्याचे पिठलं खा.