ब्युरो रिपोर्ट, साम टीव्ही, मुंबई
प्रत्येकालाच चमकदार त्वचा हवी असते. यासाठी लोक अनेक प्रकारचे प्रोडक्ट्स वापरत असतात.
तीळ, मोहरी आणि नारळ अशा अनेक तेलांनी चेहऱ्याची मालिश केल्याने बरेच फायदे होतात.
खूप कमी लोक त्वचेवर तीळाचे तेल लावतात. तिळाच्या तेलात फॅटी अॅसिड, व्हिटॅमिन ई, सेसमोल आणि सेसामिनोल सारखे तत्वे त्यात असतात.
तिळाचे तेल त्वचेच्या अनेक समस्या दूर करते आणि त्वचेला चमकदार आणि मऊ बनवते. जाणून घ्या फायदे
वयात आल्यावर चेहऱ्यावर सुरकुत्या आणि रेषा येऊ लागतात. तेव्हा तिळाचे तेल लावल्याने त्वचेला अॅंटी एजिंगपासून वाचवता येते.
जर तुमच्या चेहऱ्यावर सारखे पिंप्लस येत असतील तर, तिळाचे तेल लावा. तेलात असलेले अॅंटी बॅक्टेरियल आणि अॅंटी इंफ्लेमेटरी गुण पिंप्लस घालवण्यास मदत करतील.
तिळाच्या तेलाने मसाज केल्याने चेहऱ्यावर चमकदारपणा येण्यास मदत होते. तसेच त्वचेचे छिद्र उघडते .
त्वचेवर होणारी अॅलर्जी जसे की, खाज सुटणे, संसर्ग होणे आणि लालसरपणा यांसारख्या समस्या तिळाचे तेल लावल्यास कमी होतात.
रात्री झोपण्याआधी चेहरा स्वच्छ धुवावा. नंतर तिळाचे तेल चेहऱ्यावर लावा आणि मसाज करा. सकाळी उठल्यावर चेहरा स्वच्छ धुवून घ्या.
वरील माहिती आम्ही फक्त वाचक-प्रेक्षकांपर्यंत पोहचवत आहोत. याचं समर्थन अथवा दावा करत नाही. त्यामुळे तज्ज्ञांचा सल्ला घ्यावा.