Alisha Khedekar
मुलांच्या शाळेला यंदाच्या दिवाळीत मोठी सुट्टी असेल तर त्यांचे छंद जोपासण्यावर भर द्या. यामध्ये त्यांना चित्रकला शिकवा, संगीत, नृत्य यासारख्या विविध कलेंमध्ये व्यस्त ठेवा.
मुलांच्या वयानुसार मनोरंजक पुस्तके निवडा. दररोज एक गोष्ट वाचण्याची सवय लावा आणि त्यांना स्वतःच्या शब्दांत गोष्ट सांगायला सांगा.
रंगीत कागद, सजावटीचे साहित्य वापरून मुलांना आकाशकंदील बनवायला शिकवा. यामुळे त्यांची कल्पनाशक्ती आणि सर्जनशीलता वाढण्यास मदत होईल.
मुलांना लाडू व चिवड्याच्या तयारीत सहभागी करा. सुरक्षित कामे त्यांच्याकडून करून घ्या आणि स्वच्छतेचे महत्त्वही समजावून सांगा.
जिगसॉ पझल्स, शब्दकोडी, बुद्धिबळ, स्मरणशक्तीचे खेळ, सायकलिंग, बॅडमिंटन, क्रिकेट किंवा पकडापकडीसारखे खेळ खेळू द्या.
मुलांसोबत कॅरम, अंताक्षरी किंवा बोर्ड गेम्स खेळा. एकत्र गप्पा मारा आणि दिवाळीच्या आठवणी तयार करा, ज्यामुळे नातेसंबंध अधिक घट्ट होतील.
सदर माहिती सामान्य ज्ञानावर असून योग्य माहितीसाठी तज्ज्ञांचा सल्ला घ्यावा