Shruti Vilas Kadam
बालरोगतज्ज्ञांच्या मते, सुमारे ३ वर्षांच्या वयात मुलाला खेळावर आधारित प्री-स्कूलमध्ये पाठवता येते. येथे शिकवण्यापेक्षा खेळ आणि विविध उपक्रमांमधून शिकण्यावर भर असतो.
मुलं दोन वर्षांची झाली म्हणून लगेच शाळेत पाठवण्याची घाई करू नये. या वयात खेळणे, कुटुंबासोबत वेळ घालवणे आणि आजूबाजूच्या गोष्टींमधून शिकणे महत्त्वाचे आहे.
NEP 2020 नुसार मुलांची फाउंडेशनल स्टेज ३ ते ८ वर्षांपर्यंत असते. यात सुरुवातीची तीन वर्षे प्री-स्कूलची असून त्यानंतर पहिली आणि दुसरी इयत्ता येते.
तज्ज्ञांच्या माहितीनुसार, तीन वर्षांच्या प्री-स्कूल किंवा फाउंडेशनल शिक्षणानंतर मूल साधारण ६ वर्षांचे झाल्यावर पहिली इयत्ता सुरू करू शकते.
केवळ वय पाहून मुलाला शाळेत पाठवणे योग्य नाही. मूल पालकांपासून काही काळ वेगळे राहू शकते आणि नवीन वातावरणाशी जुळवून घेण्यास तयार आहे का, हे पाहणे गरजेचे आहे.
मुलाला भूक, तहान किंवा इतर गरजा सांगता येणे, इतर मुलांसोबत खेळणे-बोलणे आणि खाणे-टॉयलेटसारख्या छोट्या गोष्टी स्वतः करण्याचा प्रयत्न करता येणे ही शाळेसाठी तयारीची चिन्हे आहेत.
शेजारचे किंवा ओळखीचे मूल दोन-तीन वर्षांचे असताना शाळेत गेले म्हणून आपल्या मुलालाही त्याच वयात पाठवण्याची गरज नाही. प्रत्येक मुलाच्या विकासाचा वेग वेगळा असतो.