Shreya Maskar
महाराष्ट्रातील सह्याद्री पर्वतरांगांमध्ये वसलेले सातारा येथे उन्हाळ्यात थंड वातावरण अनुभवता येते. इतिहास आणि निसर्गाचा संगम येथे पाहायला मिळतो. अनेक सुंदर पिकनिक स्पॉट्स येथे आहेत.
कास पठाराला 'फुलांची दरी' असेही म्हणतात. कास पठार हे युनेस्कोचे जागतिक नैसर्गिक वारसा स्थळ आहे. पावसाळ्यानंतर (ऑगस्ट-सप्टेंबर) येथे फुलणाऱ्या ८५० हून अधिक प्रकारच्या रानफुलांसाठी कास पठार ओळखले जाते.
हिरव्यागार निसर्गरम्य परिसरात ठोसेघर धबधबा वसलेला आहे. डोंगरावर धुक्याची चादर पाहायला मिळते. या धबधबा ५०० मीटर (सुमारे १६०० फूट) उंचीचा आहे.
साताऱ्याला अजिंक्यतारा किल्ला हे एक ऐतिहासिक ठिकाणही आहे. किल्ल्यावरून सातारा शहराचे विहंगम दृश्य दिसते. येथे तुम्ही ट्रेकिंगचा भन्नाट आनंद घेऊ शकता.
सज्जनगड किल्ला साताऱ्यात वसलेला आहे. याला पूर्वी 'परळीचा किल्ला' म्हणून ओळखले जात असे. हा एक महत्त्वाचा ऐतिहासिक आणि धार्मिक वारसा आहे. सभोवताली सुंदर हिरवागार निसर्ग पाहायला मिळतो.
कोयना धरण हे महाराष्ट्रातील सातारा जिल्ह्यातील कोयना नदीवर बांधलेले आहे. हिरव्यागार जंगलांनी वेढलेले एक निसर्गरम्य ठिकाण आहे. जे निसर्गाचा आनंद घेण्यासाठी उत्तम आहे.
कास पठाराजवळ शिवसागर तलाव आहे. येथे बोटिंग आणि वॉटर स्पोर्ट्सची सोय आहे. जोडीदारासोबत येथे नक्की फिरायला जा.
वरील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.