Shruti Vilas Kadam
सर्वपितृ अमावस्येला लोखंड किंवा लोखंडापासून तयार केलेल्या वस्तू घरात आणणे टाळावे, अशी धार्मिक मान्यता आहे. लोखंडाच्या वस्तू खरेदी केल्यास धनहानी किंवा शनीशी संबंधित अडचणी येऊ शकतात, असे मानले जाते.
या दिवशी मोहरीचे तेल घरी आणणेही टाळावे, अशी मान्यता आहे. सर्वपितृ अमावस्येला मोहरीचे तेल खरेदी केल्यास अशुभ परिणाम होऊ शकतात, असे धार्मिक समजुतीत सांगितले जाते.
सुई, चाकू, कात्री, खिळे यांसारख्या धारदार वस्तू या दिवशी खरेदी करू नयेत, असे मानले जाते. अशा वस्तू घरात आणल्याने कुटुंबातील सदस्यांमध्ये वाद होऊ शकतात, अशी धार्मिक धारणा आहे.
पितृपक्ष हा पूर्वजांच्या स्मरणासाठी समर्पित काळ मानला जातो. त्यामुळे सर्वपितृ अमावस्येच्या दिवशी स्वतःसाठी नवीन कपडे खरेदी करणे टाळावे, अशी धार्मिक मान्यता आहे.
नवीन कपड्यांप्रमाणेच सर्वपितृ अमावस्येला नवीन बूट किंवा चपला खरेदी करू नयेत, असेही मानले जाते. या दिवशी अशा वस्तूंची खरेदी केल्यास नकारात्मक परिणाम होऊ शकतो, अशी धारणा आहे.
सर्वपितृ अमावस्येच्या दिवशी भेटवस्तू घरात आणणे अशुभ मानले जाते. अशा वस्तू खरेदी केल्याने घरातील वातावरणावर नकारात्मक परिणाम होऊ शकतो, अशी धार्मिक समजूत आहे.
सर्वपितृ अमावस्या हा पितरांचे स्मरण, श्राद्ध आणि तर्पणासाठी महत्त्वाचा दिवस मानला जातो. त्यामुळे या दिवशी अनावश्यक वस्तूंची खरेदी करण्याऐवजी धार्मिक विधी आणि पूर्वजांच्या स्मरणाला महत्त्व द्यावे, अशी परंपरा आहे.