Shruti Vilas Kadam
तिखट मिठाचा सांजा बनवण्यासाठी रवा, कांदा, हिरवी मिरची, मोहरी, हिंग, कढीपत्ता, हळद, पाणी, मीठ, तेल, साखर, कोथिंबीर, नारळ आणि शेव इत्यादी साहित्य लागते.
मध्यम आचेवर कढई गरम करून त्यात तूप घाला व रवा ४–५ मिनिटे हलक्या हाताने भाजा. रव्याचा रंग बदलण्याची गरज नाही. भाजलेला रवा बाजूला काढून ठेवा.
कढईत थोडं तेल गरम करून शेंगदाणे मध्यम आचेवर हलके तपकिरी होईपर्यंत तळा. न आवडल्यास आधी भाजलेले शेंगदाणेही वापरू शकता.
त्याच कढईत मोहरी घालून तडतडू द्या, जिरे घालून परतवा. त्यानंतर कांदा, कढीपत्ता व हिरवी मिरची घालून कांदा नरम होईपर्यंत परतवा.
कांदा नरम झाल्यावर आले व हळद घालून एक मिनिट परता, ज्यामुळे छान सुगंध येतो.
भाजलेला रवा फोडणीत घालून नीट मिसळा. हळूहळू गरम पाणी घालत ढवळा. त्यानंतर दही, मीठ व साखर (ऐच्छिक) घालून मिश्रण एकजीव करा.
झाकण ठेवून अतिशय मंद आचेवर ८–१० मिनिटे वाफ द्या. वरून कोथिंबीर घालून मिक्स करा. सर्व्ह करताना शेंगदाणे, किसलेला नारळ, शेव व लिंबाची फोड घालू शकता.