Shreya Maskar
सांगली किल्ला म्हणजेच गणेश दुर्ग होय. सांगली शहराच्या मध्यभागी हा ऐतिहासिक भुईकोट किल्ला आहे. सांगली किल्ला कृष्णा नदीकाठी उभा आहे.
गणेश दुर्ग १९ व्या शतकातील आहे. १८०० च्या दशकाच्या सुरुवातीला श्रीमंत आप्पासाहेब पटवर्धन यांनी हा किल्ला बांधला. या किल्ल्यात १७५ वर्षे जुने श्री गणपती मंदिर आहे.
गणेश दुर्ग किल्ला अष्टकोनी आकाराचा आहे. आतील भागात मध्यभागी मोकळी जागा असलेला एक विशाल आयताकृती अंगण आहे.
गणेश दुर्ग किल्ला पटवर्धन संस्थानाची राजधानी होता. सांगली किल्ला सुंदर दरबार हॉल, २१ फूट उंच मुख्य प्रवेशद्वार आणि सांगली संग्रहालय यासाठी प्रसिद्ध आहे.
२१ फूट उंच असलेल्या या मुख्य प्रवेशद्वारावर ऐतिहासिक भित्तिचित्रे आहेत. गणेश दुर्ग किल्ला सुमारे २० एकरांच्या विस्तीर्ण क्षेत्रावर पसरलेला आहे. ऐतिहासिक काळात हा किल्ला एका रुंद खंदकाने वेढलेला होता.
किल्ल्याच्या आवारात असलेल्या संग्रहालयात ऐतिहासिक वस्तू, पारंपरिक भारतीय कलाकुसर आणि सुंदर चित्रांचा दुर्मिळ संग्रह पाहायला मिळतो. येथे वास्तुकलेचा सुंदर नजारा पाहाल.
मुंबईहून सांगलीपर्यंत ट्रेनने प्रवास करा. पुढे रिक्षाने गणेश दुर्गला पोहचा. कुटुंबासोबत तुम्ही येथे नक्की फिरायला जा.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.