Shruti Vilas Kadam
नियमित धावल्याने रक्ताभिसरण सुरळीत राहते. त्यामुळे हृदय अधिक कार्यक्षम बनते आणि हृदयविकाराचा धोका कमी होण्यास मदत होते.
धावताना मोठ्या प्रमाणात कॅलरी बर्न होतात. त्यामुळे शरीरातील अतिरिक्त चरबी कमी होऊन वजन नियंत्रणात ठेवण्यास मदत मिळते.
रोज धावल्याने श्वसनक्रिया सुधारते. शरीराला अधिक ऑक्सिजन मिळाल्यामुळे फुफ्फुसे अधिक सक्षमपणे कार्य करू लागतात.
धावण्यामुळे पाय, कंबर आणि शरीराच्या इतर भागांतील स्नायूंना बळकटी मिळते. तसेच हाडांची घनताही टिकून राहण्यास मदत होते.
धावताना शरीरातून एंडॉर्फिन हार्मोन्स स्रवतात, ज्यामुळे मन प्रसन्न राहते. तणाव, चिंता आणि नैराश्याची भावना कमी होण्यास मदत होते.
दररोज 20 मिनिटे धावल्याने शरीराची सहनशक्ती वाढते. त्यामुळे दिवसभर अधिक उत्साही आणि सक्रिय वाटते.
नियमित शारीरिक हालचालीमुळे शरीराला नैसर्गिक थकवा येतो. त्यामुळे रात्री शांत आणि गाढ झोप लागण्यास मदत मिळते.