Manasvi Choudhary
लांब, घनदाट आणि चमकदार केस असावे अशी प्रत्येक महिलेची इच्छा असते यासाठी महिला बरेच उपाय करतात.
पण तुम्हाला माहितीये का घरगुती एका उपायाने तुमचे केस पार्लरसारखे चमकदार, शायनी होतील.
तांदळाचे पाणी केसांसाठी खास मॅजिक ठरलं आहे. केस धुताना तुम्ही तांदळाच्या पाण्याचा वापर करू शकता.
तांदूळ स्वच्छ धुवून घ्यायचे आहेत म्हणजे त्यातील घाण आणि धूळ निघून जाईल. त्यानंतर एका भांड्यात पाण्यामध्ये तांदूळ २ ते ३ तास भिजत घाला. सकाळी केस धुवायचे असतील तर तुम्ही रात्री देखील भिजत घालू शकता.
तांदळाच्या शाम्पूने केस धुण्यासाठी वापर केल्याने तुमचे केस घनदाट आणि चमकदार होतील.
तांदळाच्या पाण्यामध्ये जीवनसत्त्वे आणि पोषक घटक असतात यामुळे केसांच्या मुळांना पोषण मिळते. तांदळाच्या पाण्यातील इनोसिटॉल हे कार्बोहायड्रेट खराब झालेल्या केसांची दुरूस्ती करते यामुळे केस तुटत नाही आणि गळतही नाही.
तांदळाचे पाणी हे केसांसाठी नैसर्गिक कंडिशनर आहे ज्यामुळे केसात गुंता होत नाही.