Shruti Vilas Kadam
भात आणि गव्हाची चपाती या दोन्ही पदार्थांमध्ये कार्बोहायड्रेट्स असतात. हे कार्बोहायड्रेट्स शरीराला एनर्जी देण्याचे काम करतात. त्यामुळे दोन्ही पदार्थ संतुलित आहाराचा आहेत.
पांढरा भात अनेकांना तुलनेने सहज पचतो. त्यातील कार्बोहायड्रेट्सचे शरीरात विघटन होऊन एनर्जी मिळते. मात्र भात पचण्याचा वेग त्याचा प्रकार आणि शिजवण्याच्या पद्धतीवरही अवलंबून असतो.
गव्हाच्या पिठापासून बनवलेल्या चपातीमध्ये पांढऱ्या भाताच्या तुलनेत फायबर अधिक असू शकते. फायबरमुळे पचनक्रिया सुरळीत राहण्यास आणि पोट जास्त वेळ भरलेले राहण्यास मदत होते.
गव्हाच्या पिठामध्ये प्रोटीन असते. त्यामुळे चपातीमधून शरीराला प्रोटीनही मिळते. मात्र शरीराच्या दैनंदिन प्रोटीनची गरज पूर्ण करण्यासाठी डाळी, कडधान्ये, दूध, दही किंवा इतर प्रोटीनयुक्त पदार्थ खावीत.
भात की चपाती, यापैकी कोणत्या पदार्थातून जास्त कॅलरीज मिळतात हे त्याचे प्रमाण आणि बनवण्याच्या पद्धतीवर अवलंबून असते. त्यामुळे वजन नियंत्रित ठेवताना किती भात किंवा चपाती खाताय, याकडे लक्ष देणे आवश्यक आहे.
दिवसभर शारीरिक श्रम करणाऱ्या किंवा व्यायाम करणाऱ्या व्यक्तींना भात हा कार्बोहायड्रेट्सचा चांगला स्रोत ठरू शकतो. शरीराला आवश्यक एनर्जी मिळण्यासाठी भातासोबत डाळ, भाजी आणि प्रोटीनयुक्त पदार्थ खावीत.
चपातीमधील फायबरमुळे पोट जास्त वेळ भरलेले राहण्यास मदत होऊ शकते. मात्र वजन कमी करण्यासाठी भात पूर्णपणे बंद करण्याची गरज नाही. भात किंवा चपाती योग्य प्रमाणात खाणे महत्त्वाचे आहे.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही. अधिक माहितीसाठी संबंधित तज्ज्ञांचा सल्ला घ्यावा.