Shruti Vilas Kadam
राईस मंचुरियनसाठी शिजवलेला भात, बारीक चिरलेला कांदा, गाजर, कोबी, शिमला मिरची, कॉर्नफ्लोअर, मैदा, आलं-लसूण पेस्ट, सोया सॉस, टोमॅटो सॉस, चिली सॉस, मीठ आणि तेल घ्या.
एका भांड्यात शिजवलेला भात, बारीक चिरलेल्या भाज्या, थोडे कॉर्नफ्लोअर, मैदा, मीठ आणि आलं-लसूण पेस्ट घालून सर्व मिश्रण चांगले एकत्र करा. त्याचे छोटे गोल गोळे तयार करा.
कढईत तेल गरम करून तयार केलेले भाताचे गोळे मध्यम आचेवर सोनेरी आणि कुरकुरीत होईपर्यंत तळून घ्या. तळलेले बॉल्स प्लेटमध्ये काढून ठेवा.
कढईत थोडे तेल घेऊन त्यात बारीक चिरलेले आलं, लसूण आणि हिरवी मिरची परतून घ्या. त्यात कांदा आणि शिमला मिरची घालून मोठ्या आचेवर परता.
आता त्यात सोया सॉस, टोमॅटो सॉस आणि चिली सॉस घाला. आवश्यकतेनुसार मीठ आणि थोडी काळी मिरी घालून सर्व साहित्य व्यवस्थित मिसळा.
तयार केलेले कुरकुरीत मंचुरियन बॉल्स कढईतील सॉसमध्ये घाला. बॉल्स तुटणार नाहीत याची काळजी घेत हलक्या हाताने सर्व मिश्रण एकत्र करा.
तयार राईस मंचुरियनवर बारीक चिरलेली स्प्रिंग ओनियन आणि कोथिंबीर घाला. गरमागरम राईस मंचुरियन सॉससोबत किंवा फ्राइड राईससोबत सर्व्ह करा.