Shreya Maskar
आज (10 ऑक्टोबर ) रेखा यांचा वाढदिवस आहे. 71 वर्षी देखील 20 वर्षांच्या तरुणीसारख्या त्या दिसत आहे. सौंदर्यासोबत त्यांचे लांबसडक केस हा कायम चर्चेचा विषय असतो. त्यांच्या सारखे केस प्रत्येक महिलेला हवे असतात.
रेखा यांच्या काळेभोर, मजबूत केसांचे रहस्य जाणून घेऊयात. रेखा यांचे केस त्यांच्या सौंदर्यात भर घालतात. मोकळे केस असो वा केसांची सुंदर वेणी रेखा कायमच सुंदर दिसतात.
रेखा या आपल्या अनेक मुलाखतीत ब्यूटी टिप्स, हेअर केअर यांच्या संबंधित बोलत असतात. त्यांच्या सौंदर्याचे लाखो चाहते दिवाने आहेत.
रेखा या केसांची काळजी घेण्यासाठी घरगुती उपाय करतात. त्या दह्याचा हेअर मास्क केसांना लावतात. त्यामुळे त्यांचे केस लांबसडक आणि काळेभोर होतात.
हेअर मास्क बनवण्यासाठी एका बाऊलमध्ये अंडे चांगले फेटून घ्या. त्यानंतर यात दही मिसळा. शेवटी यात मध घालून चांगली पेस्ट बनवून घ्या.
तयार हेअर मास्क केसांना संपूर्ण लावून घ्या. केसांच्या मुळांना देखील मास्क लावा. 15-20 मिनिटांनी केस शॅम्पूने स्वच्छ धुवून त्याला कंडीशनर लावा. केस चांगले कोरडे करा.
महिन्यातून दोन-तीन वेळा हा हेअर मास्क लावल्याने केसांना नैसर्गिक चमक मिळते. मुळांना पोषण मिळून केसांची चांगली वाढ होते.
मधामुळे टाळूमधला ओलावा आणि थंडपणा राहतो. तर अंडे केसांना प्रथिने पुरवतात. केस मजबूत बनवतात.