Shruti Vilas Kadam
कॉटन बडवर किंवा माचिसची काडीवर थोडा मध लावून तो पेटवून पाहा. लगेच आग लागली तर ते मध खरं आहे.
एका ग्लासमध्ये पाणी घ्या. त्यात एक चमचा मध टाका. मध पाण्यात कसा मिसळतो, हे पाहा. मध ग्लासाच्या तळाशी गेल तर ते शुद्ध आहे आणि जर रंग सोडला तर ते भेसळयुक्त आहे.
अंगठ्यावर मधाचा एक थेंब टाका. मध लगेच पसरतो की जागेवरच राहतो, हे पाहा. मात्र, या चाचणीवरून मधाची शुद्धता समजू शकत नाही. जर मध घट्ट आणि शुद्ध असेल, तर ते नखावर पसरणार नाही, तसंच राहील.
मधाचा रंग हलका पिवळा किंवा गडद तपकिरी असू शकतो. वेगवेगळ्या फुलांपासून तयार होणाऱ्या मधाचा रंग वेगळा असतो. त्यामुळे रंगावरून मध खरा की खोटा हे ठरवू नका.
खऱ्या मधाला नैसर्गिक सुगंध असतो. काही मधाला फुलांसारखा वास येतो. आणि भेसळयुक्त मधाला सहसा वास येत नाही.
थंडीमध्ये मध घट्ट होतो आणि त्यात साखरेसारखे छोटे दाणे तयार होतात. ही एक नैसर्गिक प्रक्रिया आहे. त्यामुळे मध घट्ट झाला म्हणजे तो भेसळयुक्त आहे, असं समजू नका.
मध खरेदी करताना त्यावरील पॅकिंग, उत्पादनाची तारीख आणि एक्सपायरी डेट तपासा. तसेच FSSAI परवाना क्रमांकही पाहा.
ही माहिती सामान्य ज्ञानावर आधारित आहे. साम टीव्ही या माहितीची पूर्ण सत्यता किंवा अचूकतेची हमी देत नाही.