Chetan Bodke
माधुरी पवारने ‘रानबाजार’ या सीरीजमधून प्रेक्षकांची मनं जिंकली. डान्स आणि अभिनयाच्या माध्यमातून तिने आपलं स्वप्न साकार केलं आहे.
सीरियल, चित्रपट, वेबसीरीज आणि डान्स शोच्या माध्यमातून माधुरी पवारने फिल्म इंडस्ट्रीमध्ये डेब्यू केलं.
अभिनेत्री माधुरी पवारने स्वतःचं घरही घेतल्याची माहिती तिने चाहत्यांसोबत सोशल मीडियावरून सांगितली आहे.
माधुरीने आपलं स्वप्नातलं घर कसं सजवलं, याचे व्हिडीओ तिने सोशल मीडियावर शेअर केले आहेत. तिचं साधं आणि आकर्षक असं हे घर सर्वांच्याच चर्चेचा विषय ठरला.
“नमस्ते वास्तु पुरुषाय भूषाय भिरत प्रभो | मद्गृहं धन धान्यादि समृद्धं कुरु सर्वदा |” हा श्लोक माधुरीने नव्या घराचा व्हिडीओ शेअर करताना कॅप्शन म्हणून दिला आहे.
माधुरीने पारंपरिक पद्धतीने पूजा करून नव्या घरात गृहप्रवेश केला. यावेळी गृहप्रवेश समारंभाला तिचे संपूर्ण कुटुंबीय उपस्थित होते.
दरम्यान, माधुरी पवारने शेअर केलेल्या या नव्या घराच्या फोटो व व्हिडीओवर तिच्या चाहत्यांनी शुभेच्छांचा वर्षाव केला आहे.
अभिनेत्रीने नववर्षाच्या सुरुवातीलाच नवीन घर घेत चाहत्यांना गोड बातमी दिल्यामुळे चाहत्यांनी तिच्यावर शुभेच्छांचा वर्षाव केला आहे.
माधुरी पवार नुकतीच 'लंडन मिसळ' चित्रपटातून प्रेक्षकांच्या भेटीला आली होती.