Manasvi Choudhary
हिवाळ्यात थंडीच्या दिवसात गरमा गरम चहा पिण्याची मज्जा काहीशी वेगळीच असते. हिवाळयात थंडीपासून बचाव होण्यासाठी चहामध्ये वेलची, दालचिनी, आलं हे मसाले घालतात.
आलं, वेलची, लवंग आणि काळी मिरी या व्यतिरिक्त तुम्ही तुळशीची पाने देखील चहामध्ये मिक्स करू शकता. तुळशीच्या पानांचा चहा आरोग्यासाठी फायदेशीर मानला जातो.
तुळशीचे रामा आणि श्यामा असे दोन प्रकार आहेत. दोघांचाही रंग वेगवेगळा असले तरी या दोघांमध्ये आरोग्यासाठी फायदेशीर आयुर्वेदिक गुणधर्म आहेत.
अनेकजण चहामध्ये तुळशीची पाने मिक्स करतात, पण रामा की श्यामा, नेमकी कोणती तुळस चहामध्ये घालावी?
रामा तुळशीची चव गोड आणि सौम्य असते तर श्यामा तुळशीची चव थोडी तिखट असते. जर तुम्हाला सर्दी- खोकला झाला असेल आणि तुळशीचा चहा बनवायचा असेल तर तुम्ही रामा तुळस वापरू शकता.
राम तुळशीचा रंग फिकट हिरवा असतो तर श्यामा तुळशीचा रंग जांभळा असतो.
रामा तुळशीमध्ये अनेक आयुर्वेदिक गुणधर्म असतात जे सर्दी- खोकला कमी करण्यासाठी मदत करतात. रामा तुळशीपेक्षा श्यामा तुळशीमध्ये जास्त प्रमाणात अँटीऑक्सिडंट्स असतात जे शरीरातील उष्णता कमी करू शकतात त्यामुळे हिवाळ्यात तुम्ही श्यामा तुळशीचा चहा पिऊ शकता. पण उन्हाळ्यात श्यामा तुळशीचा चहा पिणे टाळावे.