Priya More
बॉलिवूडचे नवीन लव्ह बर्ड्स रकुल प्रीत सिंग आणि जॅकी भगनानी यांच्या लग्नाला अवघे काही दिवस उरले आहेत.
येत्या २१ फेब्रुवारीला रकुल आणि जॅकी गोव्यामध्ये लग्न करणार असल्याच्या चर्चा सुरू होत्या. पण आता यावर शिक्कामोर्तब झाला आहे.
रकुल प्रीत सिंग आणि जॅकी भगनानी यांच्या लग्नाची पत्रिक सोशल मीडियावर व्हायरल होत आहे.
या सुंदर वेडिंग कार्डसह 21 फेब्रुवारीला रकुल आणि जॅकीच्या लग्नाची तारीख निश्चित झाली.
निळ्या आणि पांढऱ्या रंगाच्या थीमवर बनवलेले हे वेडिंग कार्ड खूपच सुंदर आहे. त्यांचे लग्न गोव्यामध्ये होणार आहे.
रकुलच्या लग्नपत्रिकेचे पहिले पान निळ्या आणि पांढऱ्या रंगाच्या थीमवर आहे. त्यावर बीच आणि सोफ्याचे चित्र दिसत आहे.
लग्नपत्रिकेच्या दुसऱ्या पानावर मंडपाचा फोटो आणि हे कार्ड गुलाबी रंगाच्या थीमवर बनवण्यात आले आहे. यावर लग्नाची तारीख दिसत आहे.
जॅकी आणि रकुल यांच्या लग्नाचे कार्यक्रम 19 फेब्रुवारीपासून सुरू होणार असून ते 21 फेब्रुवारीपर्यंत चालणार आहेत.
लग्नानंतर हे कपल 22 तारखेला मुंबईत ग्रॅण्ड रिसेप्शन पार्टी देणार आहेत. या रिसेप्शन पार्टीला अनेक सेलिब्रिटी हजेरी लावणार आहेत.