Shreya Maskar
हिवाळ्यात राजगिरा खाल्ल्यामुळे खूप फायदे होतात. त्यामुळे गोड पदार्थात तुम्ही आवर्जून राजगिऱ्याची खीर बनवा.
राजगिऱ्याची खीर बनवण्यासाठी राजगिरा, तूप, दूध, साखर, वेलची पावडर, ड्रायफ्रूट, केशर आणि पाणी इत्यादी साहित्य लागते.
राजगिऱ्याची खीर बनवण्यासाठी सर्वप्रथम पॅनमध्ये दूध गरम करून घ्या. दूध चांगले उकळवू द्या.
कुकरमध्ये तूप आणि राजगिरा टाकून मंद आचेवर शिजवून घ्या. यात एक किंवा दोन ग्लास पाणी टाकून कुकरच्या ३-४ शिट्ट्या काढा.
कुकर थंड झाल्यानंतर शिजलेल्या राजगिऱ्यामध्ये गरम दूध टाकून मिश्रण चांगले एकजीव करा.
त्यानंतर यात ड्रायफ्रुट्सचे काप , वेलची पूड आणि केशर घालून खीर व्यवस्थित शिजवून घ्या. तुम्ही यात तुमच्या आवडीनुसार अजून पदार्थ टाकू शकता.
थंड खीर हवी असेल तर खीरीचे भांडे १-२ तास मस्त फ्रिजमध्ये ठेवून द्या आणि त्यानंतर त्याचा आस्वाद घ्या.
हिवाळ्यात राजगिरा खाल्ल्याने हाडे मजबूत होतात, पोटाचे आरोग्य सुधारते, रोगप्रतिकारशक्ती वाढते आणि वजन नियंत्रणात राहण्यास मदत होते.