Alisha Khedekar
आपण उपवासाला हमखास राजगिऱ्याचे पदार्थ खातो. मात्र राजगिरा हा फक्त उपवासाच्या दिवशी पोटाला आधार देत नाही तर तो सलग काही दिवस खाल्ल्याने त्याचे शरीरावर चांगले परिणाम पाहायला मिळतात.
राजगिरा हा शरीराला प्रथिने, फायबर, लोह आणि कॅल्शियम देणारा पदार्थ आहे. त्यामुळे उपवासापुरताच नव्हे तर रोजच्या आहारातही उपयोगी ठरतो..
राजगिऱ्यातील फायबरमुळे पचनक्रिया सुधारण्यास मदत होऊ शकते. नियमित खाल्ल्यामुळे पोट भरल्यासारखे वाटते आणि पाईल्स सारखे आजार कमी होऊ शकतात.
फायबर आणि प्रथिनांमुळे राजगिरा खाल्ल्यानंतर जास्त वेळ पोट भरल्यासारखे राहते. त्यामुळे अनावश्यक खाण्यावर नियंत्रण ठेवण्यास मदत होते.
उपवासाच्या दिवसांत राजगिरा खाल्ल्यास शरीरात कार्बोहायड्रेट्स, प्रथिने आणि इतर पोषक घटक वाढतात. त्यामुळे दिवसाची सुरुवात पौष्टिक राजगिऱ्याच्या पदार्थाने करता येते.
राजगिऱ्यात फायबर आणि विविध पोषक घटक असतात. मात्र हृदयाच्या आरोग्यासाठी संपूर्ण संतुलित आहार आणि व्यायामही तितकेच महत्त्वाचे आहेत.
सदर माहिती सामान्य ज्ञानावर असून योग्य माहितीसाठी तज्ज्ञांचा सल्ला घ्यावा