Manasvi Choudhary
मटकीची भाजी खायला अत्यंत चविष्ट लागते. लहानांपासून ते मोठ्यापर्यंत सर्वांनाच मटकीची भाजी खायला आवडते.
सकाळी डब्ब्यासाठी तुम्ही घरीच अत्यंत सोप्या पद्धतीने मटकीची भाजी बनवू शकता. मटकीची भाजी बनवण्यासाठी नेमकी प्रोसेस आणि साहित्य काय लागते हे या वेबस्टोरीतून जाणून घेऊया.
मटकीची भाजी बनवण्यासाठी मोड आलेली मटकी, मसाला, हळद, कांदा, टोमॅटो, मीठ, कोथिंबीर, लसूण हे साहित्य घ्या.
मटकीची भाजी बनवण्यासाठी मोड आलेली मटकी घ्या. गॅसवर कढईमध्ये गरम तेलामध्ये मोहरी आणि जिरे याची फोडणी द्या.
मिश्रणात बारीक चिरलेला कांदा मिक्स करा. कांदा साधारण गुलाबी रंग होईपर्यत चांगला परतून घ्या.
नंतर या मिश्रणात आले- लसूण पेस्ट मिक्स करा आणि टोमॅटो चांगला मऊ होईपर्यंत शिजवून घ्या.
संपूर्ण मिश्रण मध्यम आचेवर शिजल्यानंतर यात हळद, लाल मसाला, गरम मसाला घाला. मसाला करपणार नाही याची काळजी घ्या.
आता स्वच्छ धुवून घेतलेली मटकी तयार मसाल्यात टाका आणि २-३ मिनिटे चांगली परतून घ्या. नंतर या मिश्रणात गरम पाणी टाका आणि भाजी शिजण्यासाठी त्यावर झाकण ठेवा.
मटकीच्या भाजीमध्ये चवीनुसार मीठ आणि बारीक चिरलेली कोथिंबीर मिक्स करा. अशाप्रकारे मटकीची चविष्ट भाजी तयार होईल.