Siddhi Hande
आजपासून अधिकमास सुरु झाला आहे. अधिकमासला धोंड्याचा महिना असेही म्हणतात.
अधिकमासात जावयाला घरी बोलवून त्यांचा मानपान करायची परंपरा आहे. अधिकमासात जावयासाठी पुरणाचे धोंडे बनवले जातात.
पुरणाचे धोंडे बनवण्याची रेसिपी फार सोपी आहे. तुम्ही घरीच ही सोपी रेसिपी ट्राय करा.
चण्याची डाळ, गूळ, वेलची-जायफळ पूड, गव्हाचे पीठ, मीठ, तूप, पाणी, केळीचे पान
सर्वात आधी तुम्हाला चण्याची डाळ २-४ तास भिजत ठेवायची आहे. त्यानंतर डाळ शिजवून घ्या.
डाळीतील पाणी वेगळे करा. यानंतर डाळ एका कढईत काढा त्यात गूळ टाका. मंद आचेवर परतून घ्या. यानंतर मिश्रण घट्ट झाल्यावर त्यात वेलची जायफळ पूड टाका.
यानंतर परातीत गव्हाचे पीठ घ्या. त्यात मीठ आणि तूप घालून पीठ मळून घ्या. पीठ झाकून ठेवा.
यानंतर पीठाचे लहान आकाराचे गोळे लाटून घ्या. त्याला अंडाकृती आकार द्या. त्यात हे पुरण भरा.
यानंतर एका पातेल्यात पाणी गरम करायचे आहे. त्यावर चाळण ठेवा. त्यात केळीचे पान ठेवा.
केळीच्या पानावर बनवलेले धोंडे ठेवा. यानंतर १५-२० मिनिटे मध्यम आचेवर वाफवून घ्या. तुम्ही हे धोंडे तळूदेखील शकता.