Shreya Maskar
शुगर फ्री केक बनवण्यासाठी रवा, खजूर, दूध, बेकिंग पावडर, बेकिंग सोडा, दही, तेल , बदाम, अक्रोड, काजू, मनुका, व्हॅनिला इसेन्स आणि चिमूटभर मीठ इत्यादी साहित्य लागते.
शुगर फ्री केक बनवण्यासाठी सर्वप्रथम खजुरांमधील सर्व बिया काढून कोमट दुधात किमान अर्धा तास भिजवून ठेवा. यामुळे ते दळायला सोपे जाते.
खजूर मऊ झाल्यावर मिक्सरमध्ये वाटून त्याची पेस्ट बनवा. आता एका बाउलमध्ये दही, तेल आणि व्हॅनिला इसेन्स घालून एकजीव करा. मिश्रण छान घट्ट होईपर्यंत फेटून घ्या.
आता त्यात खजुराची पेस्ट घाला. एका मोठ्या खोलगट भांड्यात चिमूटभर मीठ, रवा, बेकिंग पावडर सोडा मिक्स करून ती पेस्ट केकच्या मिश्रणात टाका.
तयार केलेले दही आणि तेलाचे मिश्रण घालून बॅटर बनवा, पण जास्त फेटू नका. झाकून ठेवा आणि किमान २० मिनिटे मुरू द्या. २० मिनिटांनंतर केकचे बॅटर तपासा. जर ते थोडे कोरडे वाटत असेल, तर त्याचा पोत (टेक्चर) योग्य करण्यासाठी दोन ते तीन मोठे चमचे दूध घाला.
त्यानंतर सुकामेवा घाला पण काही वरून भुरभुरण्यासाठी बाजूला ठेवा. ओव्हन १८० अंश सेल्सिअसवर प्रीहीट करा. केकच्या साच्याला बटर लावा आणि त्यात सर्व मिश्रण ओता.
उरलेला सुकामेवा वरून भुरभुरा. किमान ३० ते ३५ मिनिटे केक बेक करा. टूथपिक किंवा चाकूने केकेमध्ये घालून तो पू्र्ण शिजला का, ते तपासा. केक टूथपिकला चिकटत नसेल, तर तो तयार आहे.
खजुरामध्ये भरपूर फायबर असते. हे फायबर शरीरात साखरेचे शोषण मंदावते, ज्यामुळे रक्तातील साखर अचानक वाढत नाही. खजूर नैसर्गिकरित्या गोड असते.