Shreya Maskar
मुंबईत पावसाला सुरूवात झाली आहे. पाऊस येताच आपण पिकनिकचे प्लान करतो. तुम्ही देखील येणाऱ्या वीकेंडला मुंबई-पुण्याजवळ ट्रिप प्लान करत असाल तर कुंडमाला धबधबा हे बेस्ट लोकेशन आहे.
कुंडमाळा धबधब्याला बेगडेवाडी धबधबा असेही म्हणतात. हा धबधबा पुणे जिल्ह्यातील तळेगाव दाभाडेजवळील बेगडेवाडी येथे इंद्रायणी नदीवर वसलेला आहे.
पावसाळ्यात येथील सौंदर्य पाहून तुम्ही थक्क व्हाल. येथे तुम्ही भन्नाट फोटोशूट करू शकता. तसेच पावसाळ्यात येथे धुक्याची चादर आणि इंद्रधनुष्य पाहायला मिळते.
नदीच्या प्रवाहामुळे पात्रातील खडकांमध्ये विचित्र, पोकळ आकार आणि डोह नैसर्गिकरीत्या तयार झाले आहेत. पावसाळ्यातील दाट हिरवळ पाहायला मिळते.
उंचावरून थेट खाली पडणाऱ्या धबधब्याऐवजी, येथे पाणी बांध आणि खडकाळ थरांवरून अतिशय सुंदररीत्या खाली वाहते.
कुंडमाला धबधब्याजवळ 'कुंदराई माता' यांचे मंदिर आहे. ही अनेक लोकांची स्थानिक कुलदेवता असून त्यांची मनोभावे पूजा केली जाते.
तुम्ही मुंबईहून पुण्यात ट्रेनने प्रवास करा. त्यानंतर पुण्याहून तळेगावपर्यंत बस किंवा रिक्षाने जा. पुढे तुम्ही चालत कुंडमाला धबधब्यापर्यंत पोहचाल.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.