Shreya Maskar
महाराष्ट्रातील पुणे शहराच्या दक्षिण भागात, पर्वती टेकडीच्या जवळ तळजाई टेकडी/तळजाई हिल्स हे ठिकाण वसलेले आहे. रिमझिम पावसात हे ठिकाण स्वर्गाहून सुंदर दिसते.
शहराच्या हद्दीतच वसलेले एक हिरवेगार वन-उद्यान आहे. पावसाळ्यात हे ठिकाण धुक्याने वेढलेले असते. येथे शुद्ध गार हवा अनुभवता येते.
तळजाई टेकडीला गेल्यावर प्रामुख्याने मोर पाहायला मिळतात. तळजाई टेकडी हे पुण्यातील एक संरक्षित वन्यजीव राखीव वनक्षेत्र म्हणून ओळखले जाते.
पावसाळ्यात आणि हिवाळ्यात येथील निसर्ग-वाटांमधून चालण्याची मजाच काही वेगळी आहे. तुम्ही येथे भन्नाट फॅमिली ट्रिप प्लान करू शकता. राखीव वनक्षेत्राच्या आत मोटार-वाहनांना प्रवेश नाही. यामुळे शहराच्या रहदारीपासून दूर, स्वच्छ हवा आणि शांत व प्रसन्न वातावरण अनुभवता येते.
तळजाई टेकडीवर 'श्री तळजाई माता देवस्थान' आहे. येथे शांत वातावरण अनुभवता येते. टेकडीच्या उंचावरील स्थानामुळे शहराचे विहंगम दृश्य दिसते. येथून हिरवाईच्या पार्श्वभूमीवर पुण्याचे ३६०-अंश दृश्य अनुभवता येते.
येथील परिसरात मोर, ससे, बदके आणि विविध स्थलांतरित पक्ष्यांचे नैसर्गिक अधिवास आहे. ज्यामुळे पक्षीतज्ज्ञ आणि हौशी पक्षी निरीक्षकांसाठी हे एक आवडते ठिकाण बनले आहे.
तळजाई टेकडीवर हिरवाईने नटलेले अनेक मार्ग आणि मातीच्या वाटा आहेत. स्थानिक नागरिक दररोज सकाळ-संध्याकाळची चाल, जॉगिंग आणि हलक्या स्वरूपाच्या ट्रेकिंगसाठी यांचा वापर करतात.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.