Manasvi Choudhary
सकाळी उठल्यानंतर कडकडून भूक लागलेली असते. सकाळी नाश्त्याला गरमा गरम चहासोबत काय बनवायचे? हा प्रश्न सर्वंच महिलांना असतो.
पोहे, उपमा, शिरा हे नाश्त्याचे प्रकार आपण नेहमीच खातो यासाठी आज आम्ही तुम्हाला पोह्याची नवीन रेसिपी सांगणार आहोत.
पोह्यापासून तुम्ही कुरकुरीत कचोरी ट्राय करू शकता. कचोरी बनवण्याची रेसिपी अत्यंत सोपी आहे.
रेसिपी बनवण्यासाठी सर्वातआधी पोहे स्वच्छ धुवून पाण्यात भिजत घाला.
नंतर मिक्सरमध्ये ब्रेड बारीक करून घ्या. एका भांड्यात ब्रेड आणि पोहे मिक्स करून त्यात जिरा पावडर आणि मीठ मिक्स करा.
कचोरी स्टफिंगसाठी उकडलेले बटाटे स्मॅश करून घ्या नंतर त्यात स्वीट कॉर्न वाफवून मिक्सर मध्ये बारीक करून घ्या.
त्यानंतर धन, जिरे आणि बडीशेप मिक्सरमध्ये बारीक करा. गॅसवर कढईमध्ये बेसन भाजल्यानंतर एका भांड्यामध्ये स्मॅश केलेला बटाट, कॉर्न पेस्ट आणि धने, जिरे मसाला मिक्स करा. मिश्रणात हळद आणि गरम मसाला मिक्स करा.
सर्व साहित्य मिक्स करून पोह्याची छोटी पुरी बनवून त्यात सारण भरा. कचोरीसारखा आकार द्या. अप्पेपात्रात कचोरी शेकून घ्या. अशाप्रकारे सर्व पोहा कचोरी घरच्या घरी सर्व्हसाठी तयार होतील.