Shreya Maskar
हिवाळ्यात तुम्हाला काही चटपटीत आणि कुरकुरीत खावेसे वाटत असेल तर, पोह्यांची चकली बेस्ट ऑप्शन आहे. अवघ्या १५ मिनिटांत पदार्थ तयार होईल.
पोह्यांची चकली बनवण्यासाठी पोहे आणि चण्याची डाळ मिक्सरमध्ये बारीक करून पावडर बनवून घ्या. जास्त पीठ जाड ठेवू नका.
एका मोठ्या परातीत पोहे आणि चण्याचे पीठ, तांदळाचे पीठ टाकून चांगले मिक्स करा. तुम्ही यात थोडा रवा देखील टाकू शकता.
तयार केलेल्या पीठात तीळ, ओवा, लाल तिखट, हळद, हिंग आणि मीठ घालून सर्व मसाले व्यवस्थित एकजीव करून घ्या. जेणेकरून चकली आणखी कुरकुरीत होईल.
पॅनमध्ये तूप गरम करून पीठामध्ये तुपाचे मोहन ओता. आता थोडं थोडं गरम पाणी टाकून कणिक चांगली मळून घ्या. जेणेकरून पीठ मऊ होईल.
पीठ खूपच घट्ट किंवा खूपच सैल नसावे. चकलीसाठी पीठ थोडे मऊ मळा. मळलेले पीठ १० ते १५ मिनिटे झाकून ठेवा.
प्लास्टिक पेपरवर कोरडे पीठ टाका. तसेच चकलीच्या भांड्यात चकलीचे पीठ भरून पेपरवर चकली पाडून घ्या. चकल्या थोड्या छोट्या करा, म्हणजे त्या चांगल्या तळल्या जातील.
पॅनमध्ये तेल गरम करून तुम्ही पोह्यांची चकली मंद आचेवर तळून घ्या. तयार चकली कुरकुरीत राहण्यासाठी तिला हवाबंद डब्यात ठेवून द्या. जेमेकरून ती नरम होणार नाही.