Sakshi Sunil Jadhav
मान्सूनच्या दमदार पावसानंतर संपूर्ण घाट परिसर हिरवाईने नटला आहे. दाट धुके आणि ढगांमुळे नाणेघाटाचा प्रत्येक कोपरा निसर्गरम्य दिसत आहे.
डोंगरकड्यांवरून कोसळणारे असंख्य छोटे-मोठे धबधबे पर्यटकांना आकर्षित करत आहेत. पावसाळ्यात येथे फोटोशूट आणि निसर्ग अनुभवण्यासाठी मोठी गर्दी होते.
सुमारे दोन हजार वर्षांपूर्वी सातवाहन काळात हा व्यापारी घाटमार्ग वापरला जात होता. येथील दगडी रांजण, गुहा आणि शिलालेख आजही त्या इतिहासाची साक्ष देतात.
प्राचीन गुहा, दगडी रांजण, घाटातील नैसर्गिक दृश्ये आणि धबधबे हे प्रमुख आकर्षण आहेत. याशिवाय घाटमाथ्यावरून दिसणारा सह्याद्रीचा विहंगम नजारा पर्यटकांना मोहून टाकतो.
पावसाळ्यात नाणेघाट ट्रेकला विशेष पसंती दिली जाते. मध्यम स्वरूपाचा ट्रेक असल्याने नवख्या ट्रेकर्सनाही हा मार्ग आवडतो.
परिसरात अधूनमधून मुसळधार पाऊस आणि दाट धुके असल्याने दृश्यमानता कमी होत आहे. रस्ते ओले व घसरडे असल्यामुळे वाहनचालक आणि पर्यटकांनी विशेष काळजी घ्यावी.
नाणेघाटासोबत शिवनेरी किल्ला, लेण्याद्री गणपती, ओझरचे विघ्नहर गणपती मंदिर आणि माळशेज घाटालाही भेट देता येते. एकाच प्रवासात इतिहास, धार्मिक स्थळे आणि निसर्गाचा आनंद घेण्याची संधी मिळते.
धबधब्यांच्या प्रवाहात उतरू नये आणि सेल्फी काढताना धोकादायक ठिकाणी जाणे टाळावे. रेनकोट, ट्रेकिंग शूज आणि आवश्यक औषधे सोबत ठेवूनच प्रवास करावा.
शनिवार-रविवारी नाणेघाटात मोठ्या प्रमाणात पर्यटकांची गर्दी होत आहे. पावसाळ्यातील गारवा, धुकं आणि सह्याद्रीचं अप्रतिम सौंदर्य अनुभवण्यासाठी नाणेघाट हा उत्तम पर्याय ठरत आहे.