Sakshi Sunil Jadhav
जेव्हा तुम्हाला पित्ताचा त्रास होतो तेव्हा छातीत किंवा घशात जळजळ, आंबट ढेकर आणि पोटात अस्वस्थता अशी लक्षणे जाणवू शकतात. असं सतत होत असेल तर त्यामागचं कारण जाणून घेतलं पाहिजे.
आयुर्वेदात त्रिफळा हे पारंपरिकरित्या वापरलं जाणारं मिश्रण आहे. मात्र पित्त किंवा अॅसिडिटी कमी करण्यासाठी त्याचा उपयोग होतो.
काहीजण रात्री झोपण्याआधी गरम पाण्यात त्रिफळा चूर्ण मिसळून घेतात. मात्र प्रत्येक व्यक्तीची प्रकृती वेगळी असल्याने ही पद्धत सर्वांना योग्य असेलच असं नाही.
१ चमचा चूर्ण पुरेसं असतं. पण स्वत:हून प्रमाण ठरवण्यापेक्षा तज्ज्ञांचा सल्ला घेणं सुरक्षित ठरते.
जास्त तिखट किंवा तेलकट पदार्थ, जास्त चहा-कॉफी आणि वेळेवर जेवण न केल्यामुळे काही लोकांमध्ये त्रास वाढू शकतो.
पित्ताचा त्रास असेल तर आहारात तिखट, तेलकट आणि जड पदार्थांचा समावेळ हळूहळू कमी करण्याचा प्रयत्न करा.
काहींना त्रिफळा घेतल्याने जुलाब, पोटात कळ किंवा पचनाशी संबंधित त्रास होऊ शकतो. अशी लक्षणे असतील तर त्वरित डॉक्टरांचा सल्ला घ्या.
अॅसिडिटी किंवा छातीत जळजळ सतत होत असेल तर फक्त घरगुती उपायांवर अवलंबून राहू नका. सतत होणाऱ्या त्रासामागे GERD, अल्सर किंवा इतर कारणे असू शकतात.
विशेषतः गर्भवती महिला, लहान मुले किंवा नियमित औषधे घेणाऱ्यांनी त्रिफळा सुरू करण्यापूर्वी डॉक्टरांचा सल्ला घ्यावा. तसेच कोणतीही औषधे घेण्याआधी डॉक्टरांचा सल्ला घ्यावा. तसेच साम टिव्ही याचे समर्थन किंवा दावा करीत नाही.