Shreya Maskar
पितृपक्षात श्रद्धाच्या जेवणात, नैवेद्यात, प्रसादात गव्हाची गोड लापशी हा साधा, पौष्टिक आणि स्वादिष्ट पदार्थ बनवला जातो. गूळ आणि तुपाचा सुगंध लापशीची चव आणखी खुलवतो.
गव्हाची गोड लापशी बनवण्यासाठी गव्हाचा रवा/दलिया, गूळ, तूप, पाणी, दूध, वेलची पूड आणि सुकामेवा इत्यादी साहित्य लागते.
गव्हाची गोड लापशी बनवण्यासाठी सर्वप्रथम पॅनमध्ये २ टेबलस्पून तूप गरम करून त्यात गव्हाचा रवा खरपूस भाजून घ्या. गॅस कमी आचेवर ठेवा.
मंद आचेवर रवा छान सोनेरी रंगाचा आणि सुगंधी होईपर्यंत भाजा. दुसऱ्या भांड्यात पाणी गरम करा आणि ते भाजलेल्या रव्यात हळूहळू घाला. गुठळ्या होऊ नयेत म्हणून सतत ढवळत राहा.
झाकण ठेवून लापशी ५-७ मिनिटे मंद आचेवर शिजू द्या. रवा मऊ झाल्यावर त्यात गूळ घाला आणि व्यवस्थित मिसळा.
गूळ विरघळल्यानंतर उरलेले तूप आणि वेलची पूड घाला. लापशी खूप घट्ट वाटत असल्यास थोडे गरम पाणी किंवा दूध घालून एक-दोन मिनिटे शिजवा.
शेवटी आवडीनुसार सुकामेवा घालून गॅस बंद करा. अशाप्रकारे फक्त १० मिनिटांत गव्हाची लापशी तयार झाली आहे.
गव्हाचा रवा मंद आचेवर व्यवस्थित भाजा, त्यामुळे लापशीला छान सुगंध येतो. गूळ घातल्यानंतर लापशी जास्त वेळ उकळू नका.