Shreya Maskar
पिंपळास किल्ल्याला 'पिंपळास कोट' असेही म्हणतात. हा पोर्तुगीजांनी बांधलेला १७ व्या शतकातील एक प्राचीन आणि सहज पोहोचता येण्याजोगा टेहळणी बुरूज (वॉच-टावर) आहे.
पिंपळास किल्ला भिवंडी येथे ठाणे जिल्ह्यात असून याची उंची १०० फूट उंच आहे. हिरव्यागार झाडांनी किल्ला वेढलेला आहे. हा किल्ला मूळतः उल्हास नदीच्या जलमार्गावरून होणाऱ्या मराठा नौदलाच्या हालचालींवर लक्ष ठेवण्यासाठी बांधण्यात आला होता.
पिंपळास किल्ला पोर्तुगीजांसाठी एक धोरणात्मक टेहळणी चौकी म्हणून काम करत होता. पिंपळास किल्ल्याची रचना एका लहान लष्करी चौकीच्या स्वरूपात करण्यात आली होती.
पिंपळास किल्ल्यावर जाण्यासाठी ठाणे आणि कल्याण हे जवळचे स्टेशन आहे. स्टेशनला उतरून तुम्ही बस, रिक्षा किंवा टॅक्सीने किल्ल्याच्या पायथ्याच्या गावी पोहचाल.
कल्याण बंदराच्या दिशेने होणारा मराठा नौदलाचा विस्तार रोखण्यासाठी मूळतः बांधलेला हा किल्ला, मुंबईजवळील एक शांत आणि ऐतिहासिक वारसा जपणारे ठिकाण आहे.
पिंपळास किल्ल्याच्या पश्चिमेकडे कमानीचे प्रवेशद्वार, पेशवेकालीन शिवमंदिर आणि प्राचीन वाडे पाहायला मिळतात. पिंपळास किल्ल्याच्या शेजारी खारबाव आणि कांबे यांसारखे किल्ले होते.
पिंपळास किल्ल्यावरून खाडी आणि आजूबाजूच्या हिरवळीची विहंगम दृश्ये दिसतात. तुम्ही येथे वीकेंडला फिरण्याचा प्लान करू शकता.
वरील माहितीचा उद्देश केवळ ऐतिहासिक वारसा आणि पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही ऐतिहासिक वादाशी किंवा दाव्याशी आमचा संबंध नाही.